ՄԻԱՅՆ ԻՐԱԿԱՆ

Ցնորք է գուցե մեր շուրջ ամեն բան,

Աչքերը մարդու խաբկանքի պաստառ,

Ընթացքն աշխարհի լոկ շարժանկար,

Ցնորք է գուցե մեր շուրջ ամեն բան:

 

Կսկիծն է կյանքում միայն իրական,

Տառապանքը խոր ու բազմախորհուրդ,

Ամեն սրտի մեջ եռացող սնում,

Կսկիծն է կյանքում միայն իրական:

 

Հուշ է երազի պահը խնդության,

Հույսի արձագանքխ ծափ և ցնծություն,

Լուսնյակի ցոլք՝ ժպիտը մարդու,

Հուշ է երազի պահը խնդության:

 

Արցունքն է կյանքում միայն իրական,

Ամեն ժամ քամվող հյութը այս հողի,

Խենթության հոսող հրաշեկ գինին,

Ո՛չ, սերն է կյանքում միայն իրական: