Աչքըս բաց՝

Բայց էլի խաբեցիր -

Ոտքերըս-ձեռքերըս

         Կապեցիր:

         Հիմա էլ

Կտրում ես յոթ անգամ,

         Բայց գոնե

Մեկ անգամ չափեցի՞ր:

         Ես քո մասին

Արդյոք ի՞նչ եմ մտածում:

         Ես քո մասին

Ախար ի՜նչ չեմ մտածում,

         Բայց թերևս

Ամենից շատ` մտովին

         Կորուստներս է,

Որ հաշվում եմ գտածում:

Ի՜նչ ես տանջում, կամ թո՛ւյլ եղիր,

         կամ արի՛-

Կամ հեռացի՛ր, ընդմիշտ գնա՜,

         կամ արի՛:

Թե չէ` այդպես դու նման ես

         չփլված,

Բայց ուր որ է գլխիս թափվող

         կամարի:

Թող լինի այնպես,

Ինչպես հուշում ես.

Էլ չե՛նք հանդիպի,

Ինչպես ուզում ես:

Ինչ էլ որ լինի`

Հիշելու բան կա.

Քե՛զ մոտ ավարտվեց

Սիրո ուսումըս:

Ես գիտեմ, կհանդիպենք դեռ,

Եվ դու էլ ինձ կանես հարցում.

«Էլ մի՞թե քո սրտում չկա

Իմ հանդեպ ոչ մի զգացում»:

Չեմ դիմել ատամնաբույժի,

Բայց հարցիդ պատասխանն ունեմ.

«Ինչքան էլ թանկ բան է ատամը,

Ցավելիս հանում են - գցում»...